Hasti apni hobaab ki si hai


Hasti apni hobaab ki si hai                       
Ye numayish sarab ki si hai

Naazuki us lab ki kya kahyee
Pankhuari ek gulaab ki si hai 
              
Baar baar uske dar pe jata hoon 
Haalat    ab    iztrab   ki si hai

Mai jo bola, kaha ye aawaz 
Usi khana kharaab ki si hai

Mir Is nim baaz aankhon men 
Sari masti sharaab ki si hai

Us ka khuraam dekh le jaya na jayega,


Us ka khuraam dekh le jaya na jayega,
Aye kabak phir bahal bhi aya na jayega !

Hum kushtgaan e ishq hain aabru o chashm e yar
Sar se hamare tegh ka saya na jayega !

Hum rehrwan e rah e fana hain, barang e Umr,
Jawenge aise khooj bhi paya na jayega !

Phora sa sari rat jo pakta rahega dil,
To subh tak to hath lagaya na jayega !

Apne shaheed e naz se bas hath utha kar phir,
Deewan e hashr bhi use laya na jayega !

Ab dekh le ke seena bhi taza hawa hai chaak,
Phir hum se apna haal dikhaya na jayega !

Go bastiyon ko taal de aage se kohkan,
Sang e giran e ishq uthaya na jayega !

Yaad uski itni khoob nahi Meer baaz aa,
Nadaan! phir wo ji se bhulaya na jayega !!

Hum hoye, tum hoye, ke Meer hoye,


Hum hoye, tum hoye, ke Meer hoye,
Uski zulfon ke sab aseer hoye

Nahi aate kiso ki aankhon mein aanson,
Ho ke aashiq buhut haqeer hoye

Aagay ye be adayiyan kab thein
In dino tum buhut shareer hoye

Apne rote hi rote sehra ke,
Goshe Goshe mein aabgeer hoye

Yaane manind e subh dunya mein,
Hum jo paida hoye so peer hoye

Mat mil ehl e dwal ke larkon se,
Meer ji un se mil ke faqeer hoye !!
*****

Mahakte phool se lamho'n ki jaulani palat aayee


Mahakte phool se lamho'n ki jaulani palat aayee
Woh keya lauta ke ghar me'n phir fiza dhani palat aayee


Kamak suraj ki aane tak tujhe hi jujhna hoga
Chiraghe shab woh andhyaare ki sultani palat aayee


Mohabbat karne wale jaane man tanha nahi'n rahte
Tere jaate hi ghar mei'n dekh weerani palat aayee


Zara mohlat mujhe di waqt ne sapne sajane ki
Phir us ke baad meri har pareeshani palat aayee

MasarratoN ko ye ahl-e-havas na kho dete


MasarratoN ko ye ahl-e-havas na kho dete 
jo har Khushii meiN tire gham ko bhii somo lete

KahaaN vo shab ki tire gesuoN ke saaye meiN
Khayaal-e-subah se ham aasteeN bhigo lete

bahaane aur bhii hote jo zindagii ke liye
ham ek baar tirii aarzuu bhi kho dete

bachaa liyaa mujhe tuufaaN kii mauj ne varnaa
kinaare vaale safinaa miraa dubo dete

jo dekhtee miree nazaroN pe bandishoN ke sitam
jo yeh nazaare mirii bebasii pe ro dete

kabhii to yuuN bhii umaRte sarashak-e-gham "Majrooh"
ki mere zaKhm-e-tamanna ke daagh dho dete

Pardah chehare se uthaa rakhaa hai


Pardah chehare se uthaa rakhaa hai
Khulii aankhon pe giraa rakhaa hai

Woh dilon mein hai na baazaaron mein
Naam jis shey kaa wafaa rakhaa hai

Merii aankhon mein bhii aankhen daalo
Aainaakhaanon mein kyaa rakhaa hai

Aamad e hashr hai kyaa aangan mein
Shor kavvon ne machaa rakhaa hai

Jhoot ke shahar kii khushfahamii ne 
Sab ko soolii pe chadhaa rakhaa hai

Kaun pahachaane kise sab ne yahaan
Cheharaa chehare pe lagaa rakhaa hai

In dhadakte hue sh’eron mein “Zia”
Aur kyaa dil ke siwaa rakhaa hai

Galiyon mein kaisa shor tha,kyun bheer si maqtil mein thi


Galiyon mein kaisa shor tha,kyun bheer si maqtil mein thi
Kia wasf us shair mein tha,kia baat us pagal mein thi

Aisa sitam kia ho gaya,ek raahro tha,kho gaya
Phir zindagi ki sham thi aur sham bhi jungle mein thi

Ki kia hua,chalti rahi yeh lo magar jalti rahi
Kia zor us andhi mein tha,kia taab us mashal mein thi

Shola ba dil,aatish bajaan phirta raha woh be-amaan
Warna saba zulfon mein thi,warna ghata kajal mein thi

Tarsi hui ankhon mein,kin kin sahilon ke khwab thay
Par kashti-e-umr-e-rawaan haalaat ki daldal mein thi

Khil’att ne awaaze kasey,taane diye,fatwe jarre
Woh sakht jaan hansta raha,go khud kushi pal pal mein thi

Apni kasheed-e-jaan se hi peeta raha,jeeta raha
Nasha kahan saghar mein tha,masti kahan bottle mein thi

ishq mein Gairat-e-jazabaat ne rone na diyaa


ishq mein Gairat-e-jazabaat ne rone na diyaa
varna kyaa baat thii kis baat ne rone na diiyaa

aap kahate the ke rone se na badalenge nasiib
umr bhar aap kii is baat ne rone na diiyaa

ronewaalon se kah do unakaa bhii ronaa rolen
jinako majabuuri-e-haalaat ne rone na diiyaa

tujhase milakar hamen ronaa thaa bahot ronaa thaa
tangii-e-waqt-e-mulaaqaat ne rone na diiyaa

ek do roz kaa sadamaa ho to ro len 'Faakir'
ham ko har roz ke sadamaat ne rone na diiyaa

Aik sadma sa hua ashk jo is baar giray

Taaza hai ab tak tumhari yaad mere zehan mein;


Taaza hai ab tak tumhari yaad mere zehan mein;
mehakte tum sada rahoge dil ke  chaman   mein;

Tumhara hi roop ubharta hai har disha har janib,
kabhi phool to kabhi chand ki tarah gagan mein; 

main tumhe dekh sakta hun, tumhe chu bhi sakta hun,
tum hasi me milti ho, to kabhi dard ki chuban mein;

Tum kahin bhi jao,tum  mujhse door na ho sakoge,
maine qaid kar rakha hai tumhe dil ke nasheman mein;

meri mushkilon me tum masihaa ban ke chali aati ho,
uljhano ko suljhati ho jab kabhi hota hun uljhan mein;

tum dur rehkar bhi dur nahin,paas na hokar bhi paas ho,
main dekh leta hun tumhe guzre hue waqt ke darpan mein;

Ik ajab raushni kitaab me'n hai


Ik ajab raushni kitaab me'n hai
Dekhta jaise koyee khawab me'n hai

Mai'n agar chandni ki qaid me'n hoo'n
Band to bhi to mahtab me'n hai

Kaun kahta hai zindagi meri
Ik bujhi shama saile aab me'n hai

Keya khabar thee mai'n dhoonta hoo'n jise
Wo chhupa hijla-e-gulaab me'n hai

Ahde peeri tamaam khawb-o-khayal
Juz kaho keya rakha shabab me'n hai

Dil mein ek be kali ssi rahti hai


Dil mein  ek be kali ssi rahti hai
Kaisi wahshat hai kaya yehkahti hai

In dinon jane kya hua hai mujhe
Kuchh  tabeeyat giri si rahti hai

Neend aati nahin hai sari rat
Eik awaz aati rahti hai

Ashk rukte nahin hain aankhon mein
Ek  nadi hai jo bahti rahti hai

Jaise dariya ke do kinare hon
Yon khushi mujh se door rahti hai

Dukh bhari apni kahani jo sona di hum ne


Dukh bhari apni kahani jo sona di hum ne, 
Daikh ai shakhs ! tujhe kaise sazadi hum ne, 

Bansuri bol rahi  thi kih idher aa jauo,
Us ki awaz mein awaz mila di hum ne, 

Bat itni thi ki hum phoolon se mismar huay,
Le tujhe  itni si ek bat bta di hum ne, 

Be khta hai to use kiyon hai nidamat itni,
Apne hi ghar ko agar aag laga di hum ne 

Ab to yon lagata hai ai gerdishe paihum jaise,
Umr sari kisi khamein mein bita di hum ne.

Mujhe dil kii Khataa par 'Yaas' sharmaanaa nahii.n aataa,


Mujhe dil kii Khataa par 'Yaas' sharmaanaa nahii.n aataa,
paraayaa jurm apane naam likhavaanaa nahii.n aataa,

buraa ho paa-e-sar_kash kaa ki thak jaanaa nahii.n aataa,
kabhii gum_raah ho kar raah par aanaa nahii.n aataa,

[paa-e-sar_kash=disobedient feet]

mujhe ai naaKhudaa aaKhir kisii ko muu.Nh dikhaanaa hai,
bahaanaa kar ke tanhaa paar utar jaanaa nahii.n aataa,

[naaKhudaa=boatsman]

musiibat kaa pahaa.D aaKhir kisii din kaT hii jaayegaa,
mujhe sar maar kar teshe se mar jaanaa nahii.n aataa,

[teshe=axe]

asiiro shauq-e-aazaadii mujhe bhii gud_gudaataa hai,
magar chaadar se baahar paa.Nv phailaanaa nahii.n aataa,

[asiiro=prisoners]

dil-e-behausalaa hai ik zaraa sii Tiis kaa meh_maa.N,
vo aa.Nsuu kyaa piyegaa jis ko Gam khaanaa nahii.n aataa.


kiskii aavaaz kaan meiN aaii


kiskii aavaaz kaan meiN aaii
duur kii baat dhyaan meiN aayii

aap aate rahe bulaate rahe
aane vaalii ek aan meiN aayii

yah kinaara chalaa ki naav chalii
kahiye kyaa baat dhyaan meiN aayii!

ilm kyaa ilm kii haqiiqat kyaa
jaisii jiske gumaan meiN aayii

aankh niiche huii are yah kyaa
yuuN Garaz darmyaan meiN aayii

maiN payambar nahiiN yagaanaa sahii
is se kyaa kasr shaan meiN aayii

Silsilaa chhiR gayaa jab Yaas ke fasaane kaa


Silsilaa chhiR gayaa jab Yaas ke fasaane kaa
shamaa gul ho gayee dil bujh gayaa parvaane kaa

vaae hasrat ki taalluq na huaa dil ko kahiiN
na to Kaabe ka huaa main na to sanam-khaane kaa

Khilvat-e-naaz kujaa aur kujaa ahl-e-hawas
zor kyaa chal sake faanuus se parvaane kaa

vaah kis naaz se aataa hai teraa daur-e-shabaab
jis taraH daur chale bazm meN parvaani kaa

Muhabbat tak rasaa’ii chaahtaa huuN,


Muhabbat tak rasaa’ii chaahtaa huuN,
maiN kab saarii Khudaa’ii chaahtaa huuN,
(rasaa’ii : reach; Khudaa’ii : Godliness)

Khushii bhii mujhko raas aatii nahiiN hai,
GhamoN se bhii rihaa’ii chaahtaa huuN,
(rihaa’ii : freedom)

KhizaaN meN shaaKh se gul jaise bikhre,
maiN yuuN tujh se judaa’ii chaahtaa huuN,
(KhizaaN : autumn)

mere hoNToN pe kaliyaaN khil uThthii haiN,
maiN phir shoalaa-navaa’ii chaahtaa huuN,

gaNvaa baiThaa huuN sab kuch phir bhii “Sahil”,
vahii farmaaN-ravaa’ii chaahtaa huuN.

Hairato.n ke sil_sile soz-e-nihaa.N tak aa gaye,


Hairato.n ke sil_sile soz-e-nihaa.N tak aa gaye, 
ham nazar tak chaahate the tum to jaa.N tak aa gaye, 

naamuraadii apanii qismat gum_raahii apanaa nasiib,
kaaravaa.N kii Khair ho ham kaaravaa.N tak aa gaye

un kii palako.n par sitaare apane ho.nTho.n pe ha.Nsii 
qissaa-e-Gam kahate kahate ham kahaa.N tak aa gaye,

apanii apanii justajuu hai apanaa apanaa shauq hai,,
tum ha.Nsii tak bhii na pahu.Nche ham fuGaa.N tak aa gaye,

zulf me.n Khushbuu na thii yaa rang aariz me.n na thaa ,
aap kis kii aarazuu me.n gulistaa.N tak aa gaye, 

raftaa raftaa rang laayaa jazbaa-e-Khaamoshii-e-ishq
vo taGaaful karate karate imtihaa.N tak aa gaye,

Khud tumhe.n chaak-e-girebaa.N kaa sha_uur aa jaayegaa ,
tum vahaa.N tak aa to jaao ham jahaa.N tak aa gaye 

aaj 'Qabil' maikade me.n inqalaab aane ko hai,
ahal-e-dil andeshaa-e-suud-o-ziyaa.N tak aa gaye.


Tum na maano magar haqiiqat hai ,


Tum na maano magar haqiiqat hai ,
ishq insaan kii zaruurat hai, 

kuchh to dil mubatalaa-e-vahashat hai 
kuchh terii yaad bhii qayaamat hai 

mere mahabuub mujh se jhuuTh na bol 
jhuuTh suurat-e-gar sadaaqat hai 

jii rahaa huu.N is aitamaad ke saath 
zindagii ko merii zaruurat hai 

husn hii husn jalve hii jalve, 
sirf ehasaas kii zaruurat hai, 

us ke vaade pe naaz the kyaa kyaa 
ab dar-o-baam se nadaamat hai 

us kii mahafil me.n baiTh kar dekho 
zindagii kitanii Khubsuurat hai 

raastaa kaT hii jaayegaa 'Qabil',
shauq-e-manzil agar salaamat hai .

Wo har maqam se pahale wo har maqam ke bad


Wo har maqam se pahale wo har maqam ke bad 
Sahar thi sham se pahale sahar hai sham ke bad

Har inqalab e mubarak har inqalab e azab 
Shikast e jam se pahale shikast e jam ke bad

Mujh pe itani tawajjo mujh se itana gurez 
Mere salam se pahale mere salam ke bad

Charag e bazm e sitam hain hamara hal na puuch 
Jale the sham se pahale bujhe hain sham ke bad

Ye rat kuch bhi nahin thi ye rat sab kuch hai 
Tuluu e jam se pahale tuluu e jam ke bad

Wahi zuban wahi baten magar hai kitana farq 
Tumhare nam se pahale tumhare nam ke bad

Hayat giriya e shabanam hayat raqs e sharar 
Tere payam se pahale tere payam ke bad

Ye tarz e fiqr ye rang e sukhan kahan `qabil`
Tere kalam se pahale tere kalam ke bad

hamaare un ke maraasam kii baat mat puuchho





hamaare un ke maraasam kii baat mat puuchho 
ye silsilaa to kahii.n duur jaa.N se milataa hai 

hai apane muqaddar kii baat kyaa kahiye 
hamaare zaKhm ko maraham kahaa.N se milataa hai 

hamaare pyaar ke qisse galii galii bikhare 
ye maratabaa ba.De suud-o-ziyaa.N se milataa hai 

sitaro.n jaisii ye aa.Nkhe.n ye chaa.Nd sa cheharaa 
tumhaaraa silsilaa kuchh aasamaa.N se milataa hai 

hamaaraa zikr kitabo.n me.n Dhuu.NDhane vaalo 
hamaaraa zikr to sare jahaa.N se milataa hai 

Tum nay Likha hay meray Khat mujay wapis kar do,


Tum nay Likha hay meray Khat mujay wapis kar do,
Dar Gayen husn e dil awaiz ki ruswaie se,

Main na kehta tha tum muj say muhabbat na karo,
yun nakhelo meray jazbaat ki ranaye se,

Sab Samjhat thay hamisha mujay jan e mehfil,
Aab mera haal tu pocho meri tanhaye se,,,

Aasman Ho Ga Sehar Ke Noor Se Aaeena Posh


Aasman Ho Ga Sehar Ke Noor Se Aaeena Posh
Aur Zulmat Raat Ki Seemab Pa Ho Jaye Gi

Iss Qadar Ho Gi Tarannum Aafreen Baad-e-Bahar
Nukhat-e-Khawabeeda Ghunche Ki Nawa Ho Jaye Gi

Aa Milain Ge Seena Chakaan-e-Chaman Se Seena Chaak
Bazm-e-Gul Ki Hum-Nafas Baad-e-Saba Ho Jaye Gi

Shabnam Afshani Meri Paida Kare Gi Souz-o-Saaz
Iss Chamanki Har Kali Dard Ashna Ho Jaye Gi

Dekh Lo Ge Sitwat-e-Raftar-e-Darya Ka Ma’al
Mouj-e-Muztar  Hi Isse Zanjeer Pa Ho Jaye Gi

Phir Dilon Ko Yaad Aa Jaye Ga Paigham-e-Sujood
Phir Jabeen Khak-e-Haram Se Aashna Ho Jaye Gi

Nala-e-Sayyad Se Hon Ge Nawa Saman-e-Tayoor
Khoon-e-Gulcheen Se Kali Rangeen Qaba Ho Jaye Gi

Ankh Jo Kuch Dekhti Hai, Lab Pe Aa Sakta Nahin
Mehw-e-Hairat Hun Ke Dunya Kya Se Kya Ho Jaye Gi

Shab Gurezan Ho Gi Akhir Jalwa-e-Khursheed Se
Ye Chaman Maamoor Ho Ga Naghma-e-Touheed Se

Allama Iqbal

Hoo sadaqat ke liye

Afraad k Hathon Men Hai Aqwam Ke Taqdeer

Gaye din ke main tanha tha

Aqal-o-Dil

AHAN MAIN AHL-E- IMAN SOORAT E KHOORSHEED JEETAY HAIN

Dil pak nahin

Hansi aati hai Hazrat-e-Insan pe

Zindagi insaan ki eik dam ke siwa kuch bhi nahin

Khudi Ki Khalwaton Mein Gum Raha Main

Mouj-e-Darya

Dil se jo baat nikalti hai, asar rakhti hai,



Dil se jo baat nikalti hai, asar rakhti hai,
Par nahin, taaqat-e-parwaaz magsr rakhti hai.

Qudsi-ul-asal hai, rif-atpe nazar rakhti hai,
Khaak se uthti hai, gardoon pe guzar rakhti hai.

Ishq tha fitna gar-o-sarkash-o-chalaak mira,
Aasman cheer gaya nala-e-bebaak mira.

_______________

Pir-e-gardoon ne kaha sun ke, kahin hai koi!
Bole sayyaare, sar-e-arsh-e-barin hai koi!

Chaand kahta tha, nahin, ahl-e-zamin hai koi!
Kahkashaan kahti thi, poshida yahin hai koi!

Kuchh jo samjha tau mere shikwe ko Ruzwan samjha,
Mujhe jannat se nikala hua insaan samjha.

_______________

Thi farishton ko bhi hairat, ke yeh aawaaz hai kya!
Arsh waalon pe bhi khulta nahin yeh raaz hai kya!

Taa sar-e-arsh bhi insaan ki tag-o-taaz hai kya?
Aa gai khak ki chutki ko bhi parwaaz hai kya?

Ghaafil aadaab se yeh sukkaam-e-zamin kaise hain,
Shokh-o-gustaakh yeh pasti ke makin kaise hain,

_______________

Is qadar shokh ke Allah se bhi barham hai,
Tha jo masjud-e-malaik yeh wohi Aadam hai?

Aalam-e kaif hai, dana-e-ramuz-e-kam hai,
Haan, magar ijaz ke asrar se namahram hai.

Naaz hai taaqat-e-guftaar pe insaanon ko,
Baat karne ka saliqa nahin nadaanon ko!

_______________

Aai aawaaz ghum-angez hai afsana tira,
Ashk-e-betaab se labrezhai paimana tira.

Shukr shikwe ko kiya husn-e-ada se tu ne,
Hum sakhun kar diyabandon ko khuda se tu ne.

Hum tau mayal ba-karam hai, koi sayal hi nahin,
Rah dikhlain kise rahraw-e-manzil hi nahin.

_______________

Tarbiat aam tau hai, jauhar-e-qabil hi nahin,
Jis se taamir ho aadam ki yeh who gil hi nahin.

Koi qabil ho tau hum shan-e-kai dete hain;
Dhoondne waalon ko duniya bhi nai dete hain!

Haath be-zor hain, ilhaad se dil khoo-gar hain,
Ummati baais-e-ruswai-e-paighamber hain.

_______________

But-shikan uth gaye, baaqi jo rahe but-gar hain,
Tha Brahim pidar, aur pisar Aazar hain.

Bada aasham naye baaqi naya khum bhi naye,
Harm-e-Kaaba naya, but bhi naye, tum bhi naye.

Who bhi din the ke yehi maya-e-raanai tha,
Naazish-e-mausim-e-gul lala-e-sahraai tha!

_______________

Jo Musalmaan tha Allah ka saudai tha,
Kabhi mehboob tumhara yehi harjaai tha.

Safah-e-dahar se baatil ko mitaya kis ne?
Nau-e-insaan ko ghulami se chhuraya kis ne?

Mere Kaabe ko jabeenon se basaya kis ne?
Mere Quran ko seenon se lagaya kis ne?

_______________

The tau aaba who tumhaare hi, magar tum kya ho?
Haath par haath dhare muntezir-e-farda ho!

Kya kaha? “bahr-e-musalmaan hai faqt waade-e-hur,”
Shikwa beja bhi kare koi tau laazim hai shaoor!

Adal hai faatir-e-hasti ka azal se dastur,
Muslim aaeen hua kafir tau mile hur-o-qasur;

_______________

Tum mein hooron ka koichahne wala hi nahin,
Jalwa-e-tur tau maujood hai, Moosa hi nahin.

Munfait ek hai is qaum ki, nuqsaan bhi ek,
Ek hi sab ka nabi, din bhi, imaan bhi ek,

Harm-e-paak bhi, Allah bhi, Quran bhi ek,
Kuchh bari baat thi hote jo musalmaan bhi ek!

_______________

Firqa bandi hai kahin, aur kahin zaaten hain.
Kya zamane mein panpaneki yehi baaten hain?

Jaa ke hote hain masaajid mein saf-aara tau gharib,
Zahmat-e-roza jo karte hain gawara tau gharib.

Naam leta hai agar koi hamara, tau gharib,
Pardah rakhta hao agar koi tumhara, tau gharib.

_______________

Umra nasha-e-daulat mein hain ghafil hum se,
Zinda hai millat-e-baiza ghurba ke dam se.

Shor hai ho gaye duniya se musalmaan naabood,
Hum yeh kahte hain ke the bhi kahin Muslim maujood?

Waza mein tum ho nisari, tau tamuddan mein Hanood,
Yeh musalmaan hain! Jinhen dekh ke sharmain Yahud?

_______________

Baap ka ilm na bete ko agar azbar ho,
Phir pisar qabil-e-miraas-e-pidar kyonkar ho!

Har koi mast-e-mai-e-zauq-e-tan aasaani hai,
Tum musalmaan ho? Yeh andaaz-e-musalmaani hai?

Chaahte sab hain ke hon auj-e-surayya pe muqeem,
Pahle waisa koi paida tau kare qalb-e-salim!

_______________

Ahd-e-nau barq hai, aatish zan-e-har khirman hai,
Aiman is se koi sahra no koi gulshan hai.

Is nai aag ka aqwaam-e-kuhan eendhan hai,
Millat-e-khatam-e-rasal shoula ba parahan hai.

Dekh kar range-e-chaman ho na pareshan maali,
Kookab-e-ghuncha se shaakhen hain chamakne wali,

_______________

Khas-o-khashaak se hota hai gulistan khaali,
Gul bar andaaz hai khun-e-shuhda ki laali.

Rang gardoon ka zara dekh tau unnabi hai,
Yeh nikalte hue suraj ki ufaq taabi hai.

Nakhl-e-Islam namoona hai bro-mandi ka,
Phal hai yeh sainkron saalon ki chaman bandi ka.

_______________

Qaafila ho na sakega kabhi weeran tera,
Ghair yak baang-e-dara kuchh nahin samaan tera.

Nakhl-e-shama asti-o-dar should dood resha-e-tu,
Aaqbat soz bood saya-e-andesha-e-tu.

Ki Mohammed se wafa tu ne tau hum tere hain,
Yeh jahan cheez hai kya, lauh-eo-qalam tere hain.

_______________

Allama Sir Mohammad Iqbal

Kyon Ziaan kaar banun, sood framosh rahoon?


Kyon Ziaan kaar banun, sood framosh rahoon?
Fikr-e-farda na karum, mahw-e-ghum-e-dosh rahoon,

Naale bulbul ke sunoon, aurhama tan gosh rahoon,
Hamnawa main bhi koi gul hoon ke khamosh rahoon?

Jurrat aamoz miri taab-e-sakhun hai mujhko,
Shikwa Allah se khakam badahan hai mujhko.

Ai Khuda shikwa-e-arbab-e-wafa bhi sun le,
Khu gar-e-hamd se thora sa gila bhi sun le.

Thi tau maujood azal se hi tiri zaat-e-qadim,
Phool tha zeb-e-chaman, par na pareshan thi shamim;

Shart insaaf hai, ai, sahib-e-altaf-e-amim,
Boo-e-gul phailti kis tarah jo hoti na nasim?

Hum se pahle tha ajab tere jahan ka manzir,
Kahin masjood the pather, kahin maabood shajar,

Khugar-e-paikar-e-mahsoos thi insaan ki nazar,
Maanta phir koi un-dekhe Khuda ko kyonkar?

Tujhko maalum hai leta tha koi naam tira?
Quwwat-e-baazoo-e-Muslim ne kiya Kaam tira!

_______________

Bas rahe the yahin salijuq bhi, toorani bhi,
Ahl-e-chin cheen mein, Iran mein sasaani bhi,

Isi maamoore mein aabad the Yunaani bhi,
Isi duniya mein Yahudi bhi the, Nusraani bhi,

Par tire naam pe talwar uthai kis ne,
Baat jo bigri huri thi who banaai kis ne?

_______________

The hameen ek tire maarka aaraaon mein!
Khushkion mein kabhi larte, kabhi dariyaon mein,

Di azaanen kabhi Europe ke kaleesaaon mein,
Kabhi Africa ke tapte hue sahraaon mein.

Thi na kuchh teg zani apni hakumat ke lieye,
Sar ba-kaf phirte the kya dahar mein daulat ke lieye?

_______________

Qaum apni jo zar-o-maal-e-jahan par marti,
But faroshi ke iwaz but shikni kyon karti?

Naqsh tauheed ka har dil pe bithaya hum ne,
Zer-e-khanjar bhi yeh paigham sunaya hum ne.

Tu hi kah de ke ukhara dar-e-Khyber kis ne,
Shaher qaiser ka jo tha us ko kiya sar kis ne?

_______________

Tore makhluq khudawandon ke paikar kis ne?
Kaat kar rakh diye kaffaar ke lashkar kis ne?

Aa gaya ain laraai mein agar waqt-e-namaz,
Qibla roo ho ke zamin bos hui qaum-e-Hejaz,

Ek hi saf mein khare ho gaye mahmud-o-Ayaz,
No koi banda raha aur no koi banda nawaz.

_______________

Banda-o-sahib-o-muhtaaj-o-ghani ek hue,
Teri sarkar mein pahunche tau sabhi ek hue.

Mehfil-e-kaun-o-makaan mein shar-o-shaam phire,
Mai-e-tauheed ko lekar sift-e-jam phire.

Dasht tau dasht hain, darya bhi na chhore hum ne,
Bahr-e-zulmaat mein daura diye ghore hum ne.

_______________

Safah-e-dahar se baatil ko mitaya hum ne,
Nau-e-insaan ko ghulami se chhuraya hum ne,

Tere kaabe ko jabeenon se basaya hum ne,
Tere Quraan ko seenon se lagaya hum ne.

Phir bhi hum se yeh gila hai, ke wafadar nahin,
Hum wafadar nahin, tu bhi tau dildar nahin!

_______________

Rahmaten hain tiri aghiyar ke kashaanon par,
Barq girti hai tau bechare Musalmaanon par!

Yeh shikait nahin, hain un ke khazane maamur,
Nehin mehfil mein jinhen baat bhi karne ka shaoor,

Qahar tau yeh hai ke kafir ko milen hoor-o-qasoor,
Aur bechaare Musalmaan ko faqt waada-e-hoor!

_______________

Taan-e-aghiyaar hai, ruswai hai, nadaari hai,
Kya tere nam pe marne ka iwaz khwari hai?

Hum tau jeete hain ke duniya mein tira naam rahe,
Kahin mumkin hai saqi na rahe, jaam rahe?

Teri mehfil bhi gai, chahne walw bhi gaye,
Shab ki aahen bhi gaien, subah ke nale bhi gaye,

_______________

Dil tujhe debhi gaye, apna sila le bhi gaye,
Aa ke baithe bhi na the, ke nikaale bhi gaye.

Aae ushaaq, gaye waada-e-farda lekar,
Ab unhen dhoond chirag-e-rukh-e-zeba lekar!

Dard-e-Laila bhi wohi, Qais ka pahlu bhi wohi,
Nejd ke dasht-o-jabal mein ram-e-aahoo bhi wohi,

_______________

Ishq ka dil bhi wohi, husn ka jaadoo bhi wohi,
Ummat-e-Ahmed-e-Mursil bhi wohi, tu bhi wohi,

Phir yeh aazurdagi-e-ghair-sabab kya maani,
Apne shaidaaon pe yeh chashm-e-ghazab kya maani?

Ishq ki khair, who pehli si ada bhi na sahi,
Jaada paimaai taslim-o-raza bhi na sahi,

_______________

Kabhi hum se, kabhi ghairon se shanasaai hai,
Baat kahne ki nahin, tu bhi tau harjaai hai.

Ahd-e-gul khatam hua, tut gaya saaz-e-chaman,
Ur gaye dalion se zamzama pardaaz-e-chaman.

Ek bulbul hai ke hai mahw-e-tarannum ab tak,
Us ke seene mein hai naghmon ka talatam ab tak.

_______________

Qumrian shaakh-e-sanober se gurezaan bhi huin,
Pattian phool ki jhar jhar ke pareshan bhi huin;

Who purani ravishen bagh ki weeran bhi huin,
Daalian parahan-e-barg se uriaan bhi huin.

Qaid-e-mausim se tabiat rahi aazad uski,
Kaash gulshan mein samjhta koi faryaad uski.

_______________

Chaak is bulbul-e-tanha ki nawa se dil hon,
Jaagne wale isi baang-e-dara se dil hon.

Yaani phir zinda naye ahd-e-wafa se dil hon,
Phir isi bada-e-deereena ke pyaase dil hon.

Ajmy khum hai tau kya, mai tau Hejaazi hai miri,
Naghma Hindi hai tau tya, lai tau Hejaazi hai miri.

Allama Sir Mohammad Iqbal

Ata hai yad mujhko guzra hua zmana



ata hai yad mujhko guzra hua zmana
wo bagh ki baharen wo sab ka chahchahana

azadyan kahan wo ab apne ghonsle kia
apni khushi se ana apni khushi se jana

lagti hai chot dil per ata hai yad jis dam
shabnam ke ansuon per kalyon ka muskurana

wo pyari pyari surat wo kamni si murat
abad jis ke dam se tha mera ashyana

ati nahi sadayen us ki mere qafs me
hoti meri rehayee aey kaash mere bus me

kia badnasib hun main ghar ko taras raha hun
sathi to hain watan me main qaid me pada hun

ayee bahar kalyan phoolon ki hans rahi hain
mai is andhere ghar me qismat ko ro raha hun

is qaid ka ilahi dukhda kise sunaun
dar hai yehin qafs me main gham se mar na jaun

jab se chaman chuta hai ye hal ho gya hai
dil gham ko kha rha hai gham dil ko kha rha hai

gana ise samjh ker khush hon na sunne wale
dukhe hue dilon ki faryad ye sada hai

azad mujhko kar de o qaid karne wale
mai be zuban hun qaidi tu chorker dua le

Allama Iqbal

MUSLIM NE TAMEER KIA APNA HARAM OR


MUSLIM NE TAMEER KIA APNA HARAM OR
TEHZEEB KE AZAR NE TARASHWAE SANAUM OR

IN TAZA KHUDAUN MEIN BARRA SAB SE WATAN HAY
JO PERHAN IS KA HAY WO MAZHAB KA KAFAN HAY

YEH BU’T KE TARASHEEDA’E TEHZEEB’E NAV’EE HAY
GHARAT GARE KASHANA’E DEEN’E NABAVI(PBUH) HAY

BAZOO TERA TOHID KI QOOAT SE QAVI HAY
islam TERA DES HAY TU mustafavi HAY

NAZARA’E DEREENA ZAMANE KO DIKHA DE!!!!
AE MUSTAFAVI KHAK MEIN IS BU’T KO MILA DE!!!

HO QA’DE MUQAMI TO NATEEJA HAY TABAHI
REH BEHAR MEIN AZAD’E WATAN SOORAT’E MAHI

HAY TARKE WATAN SUNNAT’E MAHBOOB’E ILAHI(PBUH)
DE TU BHI NABUWAT KI SADAQAT PE GAVAHI

GUFTAR’E SIASAT MEIN WATAN OR HI KUCH HAY
IRSHAD’E NABUWAT MEIN WATAN OR HI KUCH HAY

AQWAME JAHAN MEIN HAY RAQABAT TO ISI SE
TASKHEER HAY MAQSOODE TIJARAT TO ISI SE

KHALI HAY SADAQAT SE SIASAT TO ISI SE
KAMZOR KA GHAR HOTA HAY GHARAT TO ISIS SE

IQWAM MEIN MAKHLOOQ’E KHUDA BAT’TI HAY IS SE
qomee’at’e islam KI JAR KAT’TI HAY IS SE

Tere ishq ki inteha chaahta hooN


Tere ishq ki inteha chaahta hooN
Meri saadgi dekh kya chaahta hooN

Sitam ho K ho wadaa E be-hijaabi
Koi baat sabr-aazma chaahta hooN

Yeh Jannat mubarak rahe zaahidoN ko
K maiN apka saamna chaahta hooN

Zara sa to dil hooN magar shauq itna
Wohi lantaraani suna chaahta hooN

Koi dum ka mehmaan hooN ae ahl E mahfil
Chirag E sehar hooN bujha chaahta hooN

Bhari bazm meN raaz ki baat kahdi
BaRa be-adab hooN sazaa chaahta hooN

Chin O arab hamara hindustaN hamara


Chin O arab hamara hindustaN hamara 
Muslim haiN hum watan sara jahaN hamara

Tauheed  ki amanat sin O main hai hamare 
AasaN nahi mitana nam O nishaN hamara

DuniyaN k but kadoN mai phahla wo ghar khuda ka 
Hum is k pasbaN haiN wo pasbaN hamara

TighoN k sayee main hum pal kar  jawaN huyeN haiN
Khanjer helal ka hai koumi nishaN hamara

Magrib main diwarooN main gunji azaN hamari
Thamta na tha kisi se sil E rawaN hamara

Batil se dabne wale ai aasmaN nahiN hum 
Saw bar kar chuka hai tu imtehaN hamara

Ai gulistan E  undulus woh din hai yad tujh ko 
Tha teri daliyoN main jab aashyaN hamara

Ai mauj E dajla ; tu bhi pahchanti hai hum ko 
Ab tak tere darya main afsaNa khah hamara

Ai arz E pak ;teri hurmat pe kat mareN hum 
Hai khuN teri ragooN main ab tak rawaN hamara

Salar E karwaN hai MIR_E HEJAZ apna 
Is nam se hai baqui aaram E jaN hamara

Iqbal ka tarana bang E dara hai goya
Hota hai jada paimaN phir karwaN hamara

Haspaniya tu khun E musalmaN ka amiN hai


Haspaniya tu khun E musalmaN ka amiN hai 
Manind E heram pak hai tu meri nazar maiN

Poshida teri khak main sajjdoN k nishan hai
Khamosh azane E hain bad E sehar main

Raoshun thi N sitaron ki tarah in ki sanan E
Khim E the kabhi jin k tere kowa O kamar maiN

Phir tere hasino ko zarurat  hai hena ki 
Baqui hai abhi rang mere khun E jigre maiN

Kyun kar khas O khashak se dab jye musalman
Mana wo tabo tab nahi hai is ke sharar main

Gharnata bhi deakh hai meri aakhoN ne wlekin 
Taskin E musafir na safur main na hazar main

Deakha bhi dikhaya bhi sunaya bhi suna bhi 
Hai dil ki tassalli na nazar main na khaber main

Har Lehza Hai Momin Ki Nai Shan, Nai Aan


Har Lehza Hai Momin Ki Nai Shan, Nai Aan 
Guftar Mein, Kirdar Mein, Allah Ki Burhan.!

Qahhari-O-Guffari-O-Quddusi-O-Jabroot 
Ye Char Anasir Hon To Banta Hai Musalman..

Hamsaya-E-Jibreel-E-Ameen, Banda-E-Khaaki 
Hai Is Ka Nashaiman Na Bukhara Na Badakhsaan

Yeh Raaz Kisi Koi Nahi Maloom Ke Momin, 
Qari Nazar Ata Hai, Haqeeqat Mein Hai Quraan..

Qudrat Ke Maqasir Ka Ayyar Is Kay Iraday 
Duniya Mein Bhi Maizan, Qayamat Mein Bhi Maizan

Jis Se Jigar-E-Lala Mein Thandak Ho, Wo Shabnam 
Daryaaon Ke Dil Jis Se Dehal Jayen, Wo Taufaan

Parwaaz hai dono ki isi aik Fiza mein,


Parwaaz hai dono ki isi aik Fiza mein,
Kargis ka jahan aur hai, Shaheen ka jahah aur,

ilfaaz-o-Mani me tafawat nahi lekin,
Malla ki Azaan aur, Mujahid ki azaan aur..

Hum rahi aisi rahoon key jin ki koi manzil hi nahi


Hum rahi aisi rahoon key jin ki koi manzil hi nahi
Yeh jeewan piyaas ka sehra hey ore sir per koi badal hi nahi

Janey k liye her rut aai rehney ko hey bas yeh tanhai
Aik umer ka roag na ho jaye yeh pal do pal ki sachcaii
Sada yeh ankhain sapney dekhein aaney waley zamanoon key

Hum rahi aisi rahoon key

Jo chehra ankhoon main aye soo khuwab naye dikh la jaye
Jo sath chaley wo miley nahi jo bicher gaye wo yaad aye
Manzil manzil dhoond rahey hein khuwab apney armanoon key

Hum rahi aisi rahoon key jin ki koi manzil hi nahi
Yeh jeewan piyaas ka sehra hey ore sir per koi badal hi nahi

Tum aisi muhabbat mat kerna


Tum aisi muhabbat mat kerna
Khuwaboon main chehra dekho
Ore
Merey qaiel ho jaoo
Merey lafzoon main wo baat sunoo
Jo baat lahoo ki chahat ho
Phir uss chahat main kho jaoo

Tum aisi muhabbat mat kerna

Yeh lafz merey yeh khuwab merey
Socho , yeh bhi to mumkin hey 
Sab jhootey hoon

Tum aisi muhabbat mat kerna
Ger karo muhabbat to aisi 
Jis terhan koi sachaii ki rou her jhoot ko sach ker jati hey

Guzro na is tarah ke tamaasha nahee hooN main


Guzro na is tarah ke tamaasha nahee hooN main
Samjho ke ab hooN aur dobaara nahee hooN main


Tum ne bhi mere saath uthaaye hain dukh bahut
Khush hooN ke raah-e-shaq mai tanha nahee hooN main


Peeche na bhaag waqt ki ai nashanaas dhoop
Saayon ke darmiyaan hooN saaya nahee hoon main


Jo kuchh bhi hooN mai apni hi soorat mai hooN Aleem
Ghalib nahee hooN Miir-o-Yagana nahee hooN main

Khuwab main aik shakal thee merey


Khuwab main aik shakal thee merey 
tu to uss sey bhi khubsurat hey

pehley mujh ko thee ore abb teri
merei tanhaii ko zaroorat hey

zindagee ko meri zaroorat thee
zindagee abb meri zaroorat hey

likhney waley hi jaan saktey hein
lafz likhney main jo qayamat hey

Dua dua wo chehra


Dua dua wo chehra
Hayea hayea wo ankhain
Saba saba wo zulfain
Chaley lahoo gerdish main 
Rahey ankh main dil main
Basey merey khawaboon main
Jaley akeley pan main
Miley her aik mehfil main
Dua dua wo chehra
Khabhi darakht key neechey
Khabhi wo hath pakrey
Khabhi hawa sey dertey
Khabhi wo wo barish ander
Khabhi wo maouj samander
Khabhi wo sooraj dahltey
Khabhi wo chaand nikaltey
Khabhi wo khyal ki rao main
Khabhi wo chiraag ki loa main
Dua dua wo chehra
Khabhi saja huwa aainey main
Khabhi dua bana wo zeeny main
Khabhi apney app sey jangoon main
Khabhi jeewan tarngoon main
Khabhi naghma noor fizaoon main
Khabhi maula hazzor duaoon main
Khabhi rukey hoye kisi lamhey main
Khabhi dukhey hoye kisi chehrey main
Wahi chehra bolta rehta hoon
Wahi ankhain sochta rehta hoon

Kab tak akhir hum sey apney dil ka bhed chupaoo gee


Kab tak akhir hum sey apney dil ka bhed chupaoo gee
Tumhein rah per aik din ana hey tum rah per aa hi jaoo gee

Kiyoon chehra utra utra hey? Kiyoon bhujhi bhujhi si ankhein hein
Sunoo ishq to aik haqeeqat hey issey kab tak tum jhutlaoo ge

Sab raang tumharey janta hoon main khoob tumhein pechanta hoon
Kha kab tak paas na aoo gee khao kab t ak ankh churaoo gee

Bhala kab tak hum aik dosrey ko chup chup ker dekhein ore tersain
Hamein yaar sataein gein kab tak tum sakhiyun sey shermaoo gee

Yeh saar-o-tani, mehshar badni, gul pehrahni gohar sukhni !
Sab husan tumhara be-qimaat gar hum sey daad na paoo gee

Jab khel hi khela shuloon ka phir aoo koi tadbeer karein
Yeh zakhm kahan tak khaien gein tum ghum kab tak apnaoo gee

Main shair hoon merey shair mujhey kisi taj mehal sey kam to nahi
Main shahjahan-e-shair to tum mumtaz mehal kehlaoo gee

Nahi paas kiya gar ishq ka kuch ore darein na zalim duniya sey
Shair per bhi ilzaam ayein gein tum bhi ruswa ho jaoo gee

Kocha-e-ishq sey kuch khuwab utha ker ley ker aye


Kocha-e-ishq sey kuch khuwab utha ker ley ker aye
They gada gar tuhafaye nayab utha ker ley aye

Haaye wo loaug gaye chaand sey milney ore phir
Apney hi tootey hoye khuwab utha ker ley aye

Aisa ziddi thamera ishq na behla phir bhi
Loug sach much kaii mehtaab utha ker ley aye

Satehe sahil na rahi jabkoi qimaat unnki
Hum khazanoon ko the aab utha ker ley aye

Jab mila husan bhi her jaii to uss bazm sey hum
Ishq awara ko betaab utha ker ley aye

Hum wo shair key hamein likhney lagey jab loog to hum
Guftagoo key naye adaab utha ker ley aye

Aziz itana hi rakho key jii sanmbhal jaye




Aziz itana hi rakho key jii sanmbhal jaye 
abb is qadar bhi na chaho key dam nikal jaye 

miley hain yoon to bahut aao ab milen yoon bhi 
key rooh garmi-e-nafaas sey pighal jaye 

muhabbaton main ajab hai dilon ko dharaka saa 
key jaane kaun kahan rasta badal jaaye 

rahey wo dil jo tamana-e-taza tar main rahey 
Khushaa wo umer jo Khwabon hi main bahal jaaye 

main wo charag-e-sar-e-rahaguzar-e-duniya hoon 
jo apanii zaat kii tanhaiyon main jal jaaye 

har aik lahajaa yahi aarazoo yahi hasarat 
jo aag dil main hai wo sheher main bhi dhal jaaye

Sitam-aaraa’ii baRhtii jaa rahii hai,


Sitam-aaraa’ii baRhtii jaa rahii hai,
karam-farmaa’ii baRhtii jaa rahii hai,

kalaam-ullah jab se paRh rahaa huuN,
merii biinaa’ii baRhtii jaa rahii hai,

mazluum kii aahoN kii nishaane nahiiN baiThe,
zaalim ke abhii hosh Thikaane nahiiN baiThe,

go vaqt ne aise bhii mavaaqe hameN baKhshe,
ham phir bhii buzurgoN ke sarhaane nahiiN baiThe,
(mavaaqe : oppotunities; sarhaane : near)

Vo rulaa kar haNs na paayaa der tak,


Vo rulaa kar haNs na paayaa der tak,
jab maiN ro kar muskuraayaa der tak,

bhuulnaa chaahaa kabhii us ko agar,
aur bhii vo yaad aayaa der tak

Khud ba Khud, be-saaKhtaa maiN haNs paRaa
usne is darjaa rulaayaa der tak,
(Khud ba Khud : by oneself; be-saaKhtaa : spontaneously)

bhuukhe bachchoN kii tasallii ke liye,
maaN ne phir paanii pakaayaa der tak,

gun-gunaataa jaa rahaa thaa ik faqiir,
dhuup rahtii hai naa saayaa der tak,

kal andherii raat meN merii tarah,
ek jugnuu jagmagaayaa der tak.

Saqiya Tera Israr Apni Jagah,


Saqiya Tera Israr Apni Jagah, 
tere maikash ka inkar apni jagah,

tegh apni jagah dar apni jagah, 
aur haqiqat ka izhar apni jagah,

ab khandahar hai khandar hi kaho dosto, 
shish mahalo'n ke asar apni jagah,

tuur par lakh musa se ho guftagu, 
arsh-e-aazam pe diidar apni jagah,

avalan haq ne takhliq jis ko kiya, 
sab ke bad us ka izhar apni jagah,

mukhtasar ye bata sar ba-kaf kaun tha, 
jeet apni jagah har apni jagah,

bhai se bhai ke kuch taqaze bhi hai'n ,
sahan ki biich ki divar apni jagah.

Leke maazi ko jo haal aaya to dil kanp gaya,


Leke maazi ko jo haal aaya to dil kanp gaya, 
jab kabhi unka Khayal aaya to dil kanp gaya,


Aisa torha tha muhabbat me'n kisi ne dil ko ,
jab kisi shishe me'n baal aaya to dil kanp gaya,


Sar balandi pe to maghrur the ham bhi lekin, 
charhte suraj pe zaval aaya to dil kanp gaya,


Bad nazar uthane hi vali thi kisi ki janib, 
apne beti ka Khayal aaya to dil kanp gaya.

Jo safar ikhtiyar karte hein


Jo safar ikhtiyar karte hein
Voh hi darya ko paar karte hein

Sach to yeh hai ke khud musafir ka
Raaste intezaar karte hein

Un se bichde to phir huya mahsoos
Voh hamen kitna pyaar karte hein

Ham to apnon se kha gaye dhokha
Aap ko hoshiyar karte hein

Jhoothe vaadeh kiya na kar ham se
Ham tera aitbaar karte hein

Ham to us dil Nawaz dushman ko
Doston mein shumaar karte hein

Jashn-e-gham-hayat manane nahi diya


Jashn-e-gham-hayat manane nahi diya
Is muflisi ne zahar bhi khaane nahi diya

Ham ne jo sada lohi mein khaya koi fareb
Phir voh fareb auron ko khaane nahi diya

Aandhi ne roshni ki himayat to ki bahut
Lekin koi chiraagh jalaane nahi diya

Ek adh ghar to jal gaya par shahr bach gaya
Ab ke diye ka saath hawaa ne nahi diya

Raazi tha main bhi aur mera dushman bhi sulah par
Kuch doston ne haath milaane nahi diya